سەرۆک بەرھەم ساڵح پێشوازیکرد لە سەرۆک وەزیرانی عێراق

2022/01/22


د. بەرھەم ساڵح، سەرۆک کۆماری عێراق ئەمڕۆ شەممە 22ی کانوونی دووەمی 2022 پێشوازیکرد لە مستەفا کازمی، سەرۆک وەزیرانی عێراق.

لەدیدارەکەدا گفتوگۆکرا لەبارەی بارودۆخی گشتی وڵات و جەختکرایەوە لەگرنگی پاراستنی ئاسایش و سەقامگیری هاووڵاتیان و ریشەکێشکردنی پاشماوەکانی داعش و رێگەگرتن لە کارە تاوانکارەکانی داعش بۆ بەئامانجگرتنی ئاسایشی هاووڵاتیان و دابینکردنی هەموو پشتیوانییەک لە ھێزە ئەمنییەکان تاوەکو ئەرکەکانیان بە باشترین شێوە جێبەجێ بکەن.

هەروەها دووپاتکرایەوە لەگرنگی یەکخستنی هێزە نیشتمانییەکان لە پێناو ھێنانەدی ئاسایش و سەقامگیری و ھێنانەئاراوەی مافە دەستوورییە نیشتمانییەکان و داوا رەواکانی ھاووڵاتیان بۆ ژیانێکی ئازادی باشتر.

Presedent

هەڵبژاردە