سەرۆک بەرهەم: دووپاتدەکاتەوە لە پێویستی راپێچکردنی ھەموو ئەو کەسانەی تێوەگلاون لە تاوانەکانی داعش بۆ بەردەم دادگا

2022/05/16

د. بەرھەم ساڵح، سەرۆک کۆماری عێراق ئەمڕۆ دووشەممە 16ی ئایاری 2022 لە کۆشکی سەلام لەبەغدا پێشوازیکرد لە خاتوو ئالیس نادیریتۆ، یاریدەدەری سکرتێری گشتی نەتەوە یەکگرتووەکان و راوێژکاری تایبەت بە جینۆساید.

لەدیدارەکەدا جەختکرایەوە لە پێویستی لێکۆڵینەوە لەو تاوانانەی کە لەلایەن رێکخراوی تیرۆریستی داعش لەعێراق ئەنجامدراوە، ھەروەھا دووپاتکرایەوە لە پتەوکردنی هەماهەنگی هاوبەش لەنێوان دەزگا پەیوەندیدارەکانی حکومەتی عێراق و تیمی لێکۆڵینەوەی نەتەوە یەکگرتووەکان بۆ ئەو بابەتە.

ھەر لەمیانی دیدارەکەدا سەرۆک بەرهەم دووپاتیکردەوە لەگرنگی راپێچکردنی ھەموو ئەو کەسانەی کە لەتاوانی تیرۆریستی تێوەگلاون بۆ بەردەم دادگا و سزادانیان و وشککردنی سەرچاوەکانی تیرۆر، ھاوکات بەگرنگییەوە باسی لە کۆکردنەوەی  بەڵگەنامەی تاوانەکانی داعش کرد، بەتایبەتی تاوانی گۆڕە بەکۆمەڵەکان، ھەروەھا بەسزا گەیاندنی تاوانباران، لەپێناو مسۆگەرکردنی مافی قوربانیان و دووبارە بوونەوەی تاوانی لەو شێوەیە.

Presedent

هەڵبژاردە